E gesha chi birinas te traden ke za but jiv sas pe geshenge vurmi Foto:Scanpix

Ivendesko kaoso ando Shvedo

Lujine sas maj dur o ivendesko kaoso ando Shvedo ande kollektivno trafiko, e geshi, busura, tranvaji thaj e tunnelbani chi tradenas pe peske vrami thaj but manush chi birinas te traden ande penge bucia thaj ande kaver thana.

Sa kado kerdas pe pala o baro jiv so pelas ando Shvedo svatone thaj kurke thaj but jiv sas thaj e buciara so kiddenas sa kado chi birinas te kidden tele o jiv.

Ando Stockholm phenelas o SL (Storstockholms lokal trafik) e manushenge te ashion kere vaj te na traden kana si o maj baro trafiko. Ando Stockholm sas sa tunellbani so sas opral pandade tele thaj e pendetåg tradenas feri sako dopash chaso.

E foronge geshi chi tradenas pe penge vrami thaj but gesha ashadzile ando Stockholm, Östergötland thaj Gävle. Ando Hallsberg chi tradelas kanchi.

Veli Brijani anda Romani redakcia chi birisardas te avel ande buci ke za but jiv sas pe geshenge vurmi

Tommy Jonsson so si sherutno pe leveransdivisia pe Banverket phenel ke avna problemura maj dur intrego kurko.

Nas dosta ke sas problemo ando kollektivno trafiko. Kade but jiv pelas tele ke vi kerra thaj bare bikinaske centrumura padzile. E bikinimasko centrum A6 ando Jönköping thaj o sportovo than ande Vänersborg padzile khatar kado jiv.

Ande uni thana ando Shvedo pandade e shkoli tele sar exemplo ando Halmstad thaj ande Kungsbacka.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade ljud i menyn under Min lista