Roma roden azili ani Shvedska
Azil

But roma kotar e Srbia thaj e ex republika e jugoslaviaki Makedonia aven ani Shvedska te roden azili.

Kotar 29 januari 2010 bersh o telune evropake thema ano Balkan huljilje ano shengen, so kamol te phenol kaj e Srbia thaj ex republika e jugoslaviaki Makedonia shaj te djan ane javer EU thema bi vizako. Akalje datumia pravdilje o granice palo but bersha. Numa ano palune masekia but manusha kotar e Srbia thaj ex republjika e jugoslaviaki Makedonia gelje sar exemplo ani Belgia, Svedska te roden azili. Mashkar akala manusha but djene si Roma, thaj alabancia a isi vi thaj srbiancia save roden azili. Numa shja mi von te ljen o azili thaj so vakerol o zakoni kotar o schengen shaj te ashunen ano radio romano.

Numa so phenol o zakoni savo astarol o Schengen? Sa o thema save itane ano schengen itane kandidatia te huljen ane EU thaj odova mothovol kaj akal thema akana keren sa te avol pire dizutnenge shukar te avol ljen pire manushikane chachipe ano them kote djivdinen, so kamol te phenol kaj achavol o procesi te roden politikano azili.

Ano kurko savo nakhlaj vazindjape bari reakcia ani Srbia thaj ex republjika e jugoslaviaki Makedonia kotar e rig e gaveremntoski ani Belgia savo o ministri e migraciako gelo ani Makedonia te dikhol sostar but manusha nashen kotar e makedonia thaj rodol kotar o gavermenti e Makedoniako te dol pobut infromancia pire dizutnenge kotar o regulacia kotar o Schengen.

Sa o manusha savo itane jekh baro gendo save rodindje  azili ani Belgia thaj Svedska akana dolpe ljenge jekh shansa te irinenpe korkori te na praven azili sostar ljen nane chachipe te roden politikano azili a ekonomikao azili na dolpe e manushenge save aven kotar akala thema.

Akal amnusha save but djen si kotar e phurane jugoslaviake thema nashen kotar o bare ekonomiake probljemia kaj nanen bucha thaj but phare te djivdinolpe odoljestar kamen te roden poshukar djivdipe ane po bravalejn EU thema.  

Te na kerdje kooperacia e thema ko jekh than te irinenpe korkori thaj te kamlje te lundjaren piro politikano azili akala manusha ka arakhenpe bare pharipenca.

Vakerolpe palo numa jekh ja se duj kurke ka ljen negativno decizia te irinenpe napal sostar na nelejn chachipe te roden azili, thaj on korkori musaj te pochinen piro drom napalal.

E maj phari decizia/odluka itani kaj sa akla manusha save roden azili palo 29 januari 2010 bersh ka zabarninope ljenge ja se ka dolpe embargo te huljen ane EU thema trin dji ko pandj bersh.

Phendja akav e Belgijako migraciajko ministri ani Makedonia. A ako korkori kamen te irinenpe te ciden piro azili na denaljen e zabrana/ja se embargo te huljen ane EU thema.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".