Parujimata pe Shvedicko Radio International

Shvedicko Radio phandavel tele sa peske transmissi pe skurto thaj mashkaruni frekvencia.
E transmissi phandadzion pe tele 1 november ando kado bersh 2010.

Pasha kado phandzion vi kaver transmissi khatar SRI ando shvedicko fm pe minoritetne chiba.
Kodol so peren avri avna e albaniake, assyriake/syrianske thaj bosniake - serbiake - kroatiake transmissie ande Shvedicko Radio.

Shvedicko Radio mukelas transmissi pe skurte thaj mashkarutne frekvensi khatar o bersh 1938. Anglunimastar pe shvedicko chib thaj pala kodo pe kaver chibia. Adjes dzan programura pe shvedicko, anglishitsko, russitsko thaj romani chib.

Ke e transmissi pe kadal frekvenci peren avri si ke but manush chi shunen kade but po radio feri ke e manush shunen adjes maj but po internet thaj kado shunipe las o than khatar e skurte thaj mashkarutni frekvencia.

O Björn Löfdahl so si programoskodirektoro pe Shvedicko Radio phenel ke chi dzal te inkrel pe kado e kostenca vaj pe publiciteta.

Pala o nevo chibiako dikipe so o Shvedicko Radio kerdas diklas pe ke si te zurarel pe kaver redakci ande SRI thaj kodol so len maj bari zor si e arabicko thaj e romani redakcia

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade ljud i menyn under Min lista