Mcdonald`s hohavel avri le buchiaren pe love

Ando phaluno kurko shundamas ke o McDonald`s pharuvel e data le dzeseski pe habenata thaj den phurano habe. Aj kanak avilas jekh nevo raporto kaj phenen ke hohaven le manushen kaj kheren buchi khote pe lengi pochin. Buth manush kaj kheren khote buchi phenen ke diferentni metodi arakhen avri te hohaven lendar lenge love, kado phenel o SVT:s programo Inifrån.

Anneli Blixt si jekh anda buchiara po McDonald’s thaj phenel ke anglunimastar phenenas lakhe te shtempluli avri anda buchi trinengo, thaj tena naj ghata zi trinego atunchi site kherel buchi po jiva, vaj ke chi pochinen lakhe pa khodi vrama kaj opral kherel buchi.

Le sherutne le bhuchiaronge phenen lenge te shtemplulin avri khana naj khasavo baro stresso te shaj aven pashe kana trobun phalpale pe buchi.

20 ziene anda 100 kaj kheren buchi ando McDonald’s kherde lenca intervju. Von phenen ke vi vramaki korektura kherenas le sherutne te hasajvel le bhuchiarengi vrama kaj oprla kherenas buchi thaj pa kado phenel le firmaki personaldirektör Lotta Björk ke chi zianelas. Voj phenel ke ando McDonald’s kadej ke khana site pharuves ande manushesko systemo le chasongo atunchi site skripe thelal vi o sherutno kdole resteransosko thaj vi le manushestar savo kherel buchi khote.