Bonusa kana delpe gatha maj sigo o SFI

Adjes o parlamento, o riksdagen lel decizia pe le regeringosko gindo sav osas shutino angla lende, thaj shaj avel dino jekh lovengo bonuso kodolenge so sichon maj sigo e Svedicko shib po SFI. O Bonuso nashtik te avel maj hucho sar 12 ezera koroni, chi trobuj te avel skatto pe leste pochindo thaj lelape ando angluno Spetemberi.

Zumajipe sas kerrdo pe kado andel 13 kommura, de akanak avel shuthino kado pe interego them.

E Hillevi Engström si e moderat sheruthni ande o arbertsmarknadsutskotet, thaj penel ke kado si sar jekh njerishago kodolenge save shuvenpe maj zurales te sichon thaj te den gatha phengo sicharipe maj sigo. Kadi si jekh hasna savi shaj lel interego Svedo savi line le 13 kommunura.

Le zeleni thaj le lole partiji dikhen negativnje pe kado bonuso thaj si len o gindo te shuden kado avri te njerin von o alope. O Lucian Astudillo, reprezentanto kathar le socialdemokratengo arbetsmarknadsutskottet, penel ke kana o mansuh shuvel kodole kommunon saven sas o bonuso pasha kodol saven nas, dicholpe ke nas differencia mashkar lende. Chi del o bonusa chi sosko rezultato pendas vov.

Sar zhal e diskussia pa kado po riksdagen, e Profeserkinja, Erika Amnå mekel jekh rodipe andre pa sar mafeder te sichon neve manush ando Svedo pa o them. O sicharipe avela dino pe lengi kheruthni shib, thaj lela opre thrin punktura: O saschipe, e sama le themeski pe manushengo trajo, thaj le sakone djesesko trajo. Kado zhal pa le Svedicka grubndlagarna, o politichno sistemo, o yttrandefrihet. Thaj sar zhal o plano le trajesko kaj phandel le manushen ande jekh than.

O gindo si te delpe kodole neve manushen ando them maj baro shajipe te len parcha thaj kaj o jekhipe mashkar le zhuvlja thaj le mursh.