Duj Somalura avri dine sas de bishade sas po chorro than

Duj Somalura so rodinas azilo sas avri dine anda them, thaj sas bishade ando Mogadishu, jiva naj slobodo te aven manush bishade kothe ke kothe si darr. Le duj zhene anda Somalia mangle te aven bishade ando kaver foro, ande Somalia, o Hargejsa.

O Migrationsverket las nas negativno decizia pe lengo rodipe azilosko, thaj kothar sas dini lengo rodipe opre kaj o Migrationsdonstol, le Immigraciaki krissi, thaj kothar sas dino opre po Migrationsöversdomstol, e krissi immigraciaki pel appelaciji. Po agor lengo rodipe sas dino kaj le xalade ando Vettlanda, ot te den len avri anda them.

O Bjorn Johansson, säkerhetsskyddschef, o shero pe kadi sama xaladengi, penel ke von sas te aven bishade kothe kaj mangle, ande o Hargesja thaj na ando Mogadisho, de chi zhanelpe sar kado gelas ke von aresle ando Mogadisho thaj naj ando Hargesja.

E Lena Rosell anda Social Missionen penel ke le xalade ando Svedo zhanen ke le manush nashtik te aven dine avri ando Mogadishu. Kana kerrelpe kodo, kodo si jekh dosh ande buchi so si len thaj kado chi trobujas te kerrdjolpe. Maj dur penel e Lena Roseel ke ande interego theluni Somalia si ando konflikto marimasko thaj kothe chi trobujas chi jekh manush kaj so rodel azilo te avel bishado kothe kana dinoj avri.