Nevo myndighet kaj dikhel pherdal le dosha ande sastjimaski buchi

O regeringen kamel te shuvel jekh nevo myndighet, jekh themesko departamento, te dikhen pe o sjukvården, le sastjimaski sama, thaj te den les molipe.

O socialno ministro, Göran Hägglund, penel ke kado myndighet shaj lelpe te rodel opre kaj si le dosha ando lagstiftning, le zakonura, thaj kaj si sistemoske dosha te shaj vorcharenpe kodol dosha save trobun te aven vorcharde.

E Anne Carlsson, anda Socialstyreselsen gindij ke o regeringen mishto kerrel ke dikhel pe kadal pushimatha, numa voj chi pachal ke o drom te vazden jekh nevo myndighet si kodo savo trobuj. Lako gindo si ke o Socialstyrelsen shaj lelpe peste kadi buchi.

O Social Ministro penel ke kado myndighet si te mirij o effekto ande sastjarimaski buchi thaj te mirij o molipe pe le droma save sas line ande sastjarimaske bucha, bi te avel phanglo varisoste so si ande sastjimaski buchi. Kado Myndighet si te dikhel soski informacia trobuj le manushen kaj roden e sastjimasko azhutipe, te shaj alon von korkori avri kastar te len sastjimasko azhutipe vaj doktoros.

E Inga-Lill Björn, sheruthni ando Astma-Allergiförbundet, ke naj dosta informacia adjes pe kaj shaj boldelpe jekh manush saves si asma vaj allergia, kathar te zhanel paciento savo doktori zhanelpe pe kadal nasvaljimatha.

O regeringen, kamel kado nevo myndighet, saves la buchako anav, Institutet för uppföjning och utvärdering si te rodel avri vi sostar si kasavo baro kaveripe mashkar le sastjarimasko azhutipe pe sako agor. O Social Ministro Göran Hägglund penel ke kaj o Socialstyrelsen si e zor te lel sama thaj te del sankcia, kade si kaj o Social styrelsen leski buchi thaj kaj e kaver lengi buchi, kade kado myndighet rodel opre le dosha thaj avela jekh roditoro avral le sastjimaski buchi.

Adjes lel decizijia o regerengo pa kado nevo myndighet thaj te zhala avri plano sar so si o gindo, vov kizdija ando angluno Januari, thaj avela phirrado kathar o Toivo Heinsoo, anda le Stockhomosko sjukvårdslandstingsrådet.