Kritika po landstinget pa e Karolinska bolnjica

E Ilija Batljan vazdel kritika pe le cache rigake poltikura save parancholin ando Landstinget ke za bare love zhana pe e nevi bolnjica, e Karolinska. E nevi bolnjica karolinska si te avel e maj bari bolnjica ande Svedoski moderno historia. Kasavi bari avela sar 33 huche khera po Hotorg. Ande e blnjica si te aven 600 riga sastjarimaski, thaj gatha si te avel dino ando bersh 2 ezera thaj deshu panzh.

E Ilija Batljan, savi social demokrat, kaj beshel ande opposicia kaj le chache rigake politikura ando lanstinsgrådet penel ke 21 milijardi koroni pochinela o Stockholms Läns Landsting te vazdelpe kadi nevi bolnjica thaj ke kadi pochin si pel 9 milijardura maj buth ande kosta sar so trobujas…. savi pochin si lini avri anda le manushengo skatto. E Ilija Batljan pendas ke kadi pochin malavel avri pel 65 ezera thaj 900 koroni pe sako kvadratovo metro, voj rodas opre sode kerren kaver kasave vazdimatha thaj dikhlas ke von chi naken opral le 29000 koroni pe sako kvadratovo metro. O inkeripe la bolnjica, kusa e hyra thaj le renti malavel avri pel 60 milijardi koroni zhi kaj o bersh 20 ezera thaj 40, na 52 milijardura sar so sas pendo maj anglal. E Ilija Batljan ginadas avri ke sa po sa zhan avri anda skatto 30 milijardi maj buth sar so trobujas.

E Catherina Elmsäter – Svärd, moderatka anda finanslandstingsrådet penel ke o vazdipe la bolnjicako chi ashadjola. E decizia so laspe sas lini grundosa, vi thena chaljola le manush e decizia musaj o manush te ashel lasho lake, pendas voj.

De e kritika pe le chahce rigake poltikura naj feri le lovengi, o drom sar alosarde e firma savi budolij e bolnjica pale sas kritikime.

Normalne, o kontrakto te vazdelpe nevo kher sar e bolnjica kadi, trobuj te nakel jekh processia kaj maj cera sar trin zhene si te marenpe te len kontrakto le buchako kathar o Landstinget. De kade gelas avri ke feri jekh rodas o kontrakto, thaj o Skanska njerisardas o kontrakto. E Catherina Elmsäter-Svärd pendas ke von kamlov te al kado ke rode maj buth zhene te njerin o kontrakto de nas kade. Ame dikhlem lengi offerta thaj sode mangle thaj shutham kado pasha kaver thaj hachardam ke dosta lashi e pochin so von mangle thaj kadala deciziake si te ashas lashe, pendas E Catherina Elmsäter-Svärd.