O shvedo pharuvel pesko ghindo pa avri themutne

Le shvedongo ghindo pe avri themutne thaj pe nashutne si maj positimno sar majentik. Le manush kaj ghindon ke za buth avri themutne si ando shvedo aba maj ceraj. E cifra phelas khatar le 52 procenti khatar o bersh 1993 zi kaj le 36 procenti ando bersh 2009.

Kado sikhavel jekh raporto anda SOM-institucia pasha Göteborgs universitet khana prezentulisarde kado adzes ande Dagens Nyheters debat righ.

Ande studia kaj kherde sas andi november sas 9 000 ziene avri pushle. Thaj anda 65 procenti kaj phenenas maj cera avri themutne te aven ando shvedo akanak si 46 procenti kaj phenen khade.

Vi e axeptancia ande familji pharudzilas. Ando bersh 1993 sas 25 procenti anda shvedura kaj phenenas ke chi khamlov varekon anda lengi famelia te phandelpe jekhe avri themutnesa adzes ferik 12 procenti phene ke chi khamlov

Le sverige demokratonge alosara dhiken pe khado  zurales negatimno, e mobilizacia kaj zumavenas te kheren chi das resultato pe khado kade sar khamlov te del. Akanak le SD pheraven anda phenge procenti. Anda 5 procenti phele zi kaj le 2,9 procenti thaj phele automatichne thela riksdagsspärren.

O problemo kaj sas le komunen te primin nashutne shavoren aba lel vi kohote maj positimno atituta te avel.

Le stockholmoske 26 komuni phende ke dubeltulin phenge thana khatar 140 thana zi kaj maj cera 340 thana. Sako jekh than shaj lel leski hasna shavoro sako bersh. Akanak shaj primija o shvedo le 2800 shavoren kaj o Migrationsverket ghinavel kea vena ando shvedo kado bersh.

Ale adzes tordzon ferik 4 komuni maj buth khadale thanenge o Stockholm, Södertälje, Botkyrka thaj Huddinge 80 procenti sa khotej thaj trobusardov maj buth komuni te kheren thana.