Kritika po rapporto so e försäkringskassan das avri

Manush so keren buci ande rodimata e forskare den bari kritika po rapporto so e försäkringskassa das avri . O rapporto so e försäkringskassan muklas sas pe kodol 15 000 manush so sas avri shudine khatar e nasvalengo insuranso.

Kote skrijas ke feri 2000 manush gele te trajin po socialo pala kodo. E forskare den kritika pe kado, ke te dzal o manush po socialo musaj kodoles te na avel kanchi thaj kadale manushen sas vi ker thaj vi vurdon thaj kodo kerel ke e manush chi birin te dzan po socialo

Ando rapporto sas skirime ke feri 2 procenti gele po socialo numa o Kjell Rautio so si rorskare ande historia thaj ande trajimaske situaci thaj kerel buci po TCO tjänstemannafacket phenel ke maj but dzene trobunas te peren ande kadal siffri.

E kritika si pasha kado si ke e försäkringskassan kamel te sikavel jekh lashio patreto khatar kado sastimasko reformo so o regeriungo kerdas tela kado mandato. 

Magdalena Barsch si kodi kon si sherutni pe analysi po försäkringskassan phenel ke lenge siffri si lashe numa ke von sikaven varisos kaver thaj ke von chi len varikaski partia.