Israel chi kamel te mukhel zutimasko konvojo

Adjes maladzile representantura anda organizacia Ship to Gazas e avritemutno ministrosa o Carl Bildt te mangen zutipe ohrnasa pe kado konvojo.
Ship to Gaza si 9 parahodura so naken akanak e mediteraniaki moria habesa, medicinasa thaj shkolake kevni e manushenge so si kote.

Kadi aktci si kerdi khatar jekh zutimaski organizacia anda Turcia numa vi kaver manushikane chachimaske organizaci inkren pala lende thaj vi katar Shvedo si kodo inkreipe. Pe kado tradipe si vi uni pindzarde shvedanura sar o skiritori Henning Mankell thaj o riksdagsledamoto Mehmet Kaplan.

Israel si zurales kriticne karring kado thaj phende ke von chi mukhena e parahodon te naken lenge paja thaj ke vi zorasa shaj te atackulin len.
Israel dikel kadi kampanjia sar jekh provokacia khatar aktivistura so dzan pala e vorbi so e Hamas mukle thaj ke kado naj humanitarno buci.