Dosh

Krissi lelpe anda choripe helekopterosa

Jokor detehara sas, 23 tonesko, ando 9to shon, kuko bersh, kana dine chor, helikopterosa, thaj chorrarde jekh mandjinako than.

Opre pharrade o than thaj kide gonenca love thaj nashlethar le helekopterosa. Le chor shuthe te pharradjon le raj barengo helikopteri anda kodo nashtik sas le raj te nashen pala lende.´Anglunimastar skipisajle le chor, de pal thrin djes astardjile 6 manush. Karing 50 raj bare kerrde buchi kusa o rodipe le chorengo, thaj buth tiesura avile andre, vi kathar le Serbicka raj, thaj thela hunji shon maqj buth zhene sas astarde, mashakr savende jekh sas anda Dominikanicka republika. Adjes 10 avena shuthine angla krissi, anda savende…..pel 5 si gindo pe bare chorimaste thaj azhutipe pe bare chorimaste, pe jekheste si vi shuthinoj o planuzipe po baro choripe. O Leif Görts, anda kammaråklagare, penel ke naj jekh sheruthno manush pala kado chorripe feri ke jekh kothor manush dinepe gindo sar te kerren kado choripe. Pasha choripe sas 24 manush ande le mandjinako than, thaj von rodina pochin, de kathar le 30 000 zhi kaj le 50 000, pe phengo kino thela o chorripe. E krissi zhukarel o kidzipe te lelpe lako pal duj kurko.