Politika

Pala barvale marelpe o Centerpartiet

Ando alope ande thomna, le Stokcholmosko Centerpartiet shuvelpe karing le huche sicharde manush le foroske saven phirren maj buth sar 400 000 ando bersh.

Kadoj o atveto ande jekh chordano plano alomasko so Ekot las anda. E partjia kamel te lel duj mandatura ando parlamento, 3 ando landstinget thaj 3 ande le forosko kher. Von kado kerren pherdal te bikinen e partja kaj le barvale alotara sar le Alliansosko zeleno glaso, thaj von pachan ke le foroske barvalen maj sigo shaj njerin. O Per Ankersjö, sheruthno ande Stockholmosko Centerpartiet, pachal andel hunji punktura ke von trobun te meken rigathe le chorren, kaj buthivar trajin pel themarenge gora, ke kaj e partjia naj dosta resursura te marenpe kothe phenge rekljamsa, thaj si darr ke chi aresena kathe te kerrena kado. De e Regiana Hortin, savi beshelas ando le Stockholmosko landsting le Centerpartieske, de kathar o 2006, gindij ke te shuvena sa phenge zor pe le foroske barvale, chi avlea mishto, kana voj korkori trajij pe gor avral o foro thaj la naj 400 000 ando bersh. Skirij o Ekot.