Mammografia zutij vi e maj ternenge

Mammografia zutij trajo vi e maj terne zuvljiange, kado sikavel jekh bari studia so sas kerdi ando intrego them pe 600 000 zuvljia ande e bersh 40- 49.

E studia phenel ke o meripe perel tele ande koliniski cancer kusa 29 procenti mashkar ezuvljia ande e bersh 40 - 49 thaj so nakle e mammografia.

Pala e rekomendacia so e Socialstyrelsen del si e mammografia te avel anglunes e zuvljiange so si ande e bersh 50-74. Pala lenge ghindura naj kade efektivno e mammografia maj terne zuvljiange.

Numa kadi studia sikavel ke maj but trajura shaj te zutij pe kana kerel pe e mammografia kana e zuvljia si maj terne.

Pala e EU:oske linji naj e zuvljia ande bersh 40-49 andre ande e mammografia numa ande Usa parudzile lenge linji thaj kote vazdas pe vi e zuvljiangi gruppa khatar 40-49 bersh.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".