Wikileaks mukel neve rapportura pa AmerikaFoto: Jens Ericson/Sveriges Radio
Internationalno

Neve rapportura mukel o Wikileaks

Wikileaks mukel neve rapportura
4:49 min

Te denna avri le diplomaticnirapportura saj avla kade ke slaboja pe e diplomacia pennel o utrikesminister Carl Bildt, de sar si pendo ke e internetoski rig Wikileaks si te mukel kasave rapportura po Internet.

Karing le 250 000 Amerikanitska rapportura si te muken, aj unji anda le vi si garudine vaj hämligstämplade. E rapportura sikaven sar e Amerika spionulij pe pesko alianso, aj kerel paktura garudines le themenca kaj si neutralni.

Te denna kadal rapportura po internet saj hala e Amerika lazavo aj o utrikesminister Carl Bildt pennel ke vi e doplomacia saj dukadziol kadalestar, aj ke sital ame pachape pe amare vizira.

Ande rapportura so o Wikileaks si te mukel po Internet, si pendo sar o kraj Abdullah anda Saudiarabia pennel la Amerikake te atackulij le iranoske kärnanläggningar, sar le Amerikanitska diplomatura zumavenas te len kontrolla po matrialo kaj si radioaktivno ando Pakistano aj ke e Amerika opre shutas peske diplomaton ando FN te spionulin pe peske kollegura, jek anda le o generalnosekreterare Ban Ki-moon.

Ande but rapportura si skirime soske si e na lasie vizira krujal ande luma.

O Rolf Ekeus si le swedosko toppdiplomat, ambasodoroj ando Washington aj vi vov pennel ke na misto kerel o Wikileaks kaj mukel kadal raportura po Internet, pennel ke de majanglall zanenas ke le Amerikanitska FN-diplomatura spionulinas pe peske kollegura.

Tela kadal djess las e Amerika kontakto bute themenca aj phendas lenge pa o matrialo so saj della po Internet. E Hillary Clinton las aj vorbisardas butende aj unji linne vi kontakto le Sweditskone utrikesdepartamentosa.

 -linne kontakto amentsa aj phende ke kasavi informacia saj della avri aj saj dukavel, ferik ke soski informacia inke chi zanenas dokladnie.

Karing le 700 rapportura sas bishade anda Amerikantsko ambasada ando Stockholm la Amerikake, pennel o Ekot, alle o utrikesminister Carl Bildt chi pennel vaj kadi informacia saj dukavela le Swedos ferik pennel ke te denna kadal rapportura po Internet saj dukadziola e diplomacia.

Intregi kadal rapportura avan katar jekh manusz penel o Carl Bild. Kado sas mozlivo te kerdziol de sar sas o attacko 11 september. Attunchi shute jek komisia kaj so achardas kade ke za but systemura si aj naj le komunikacia jek jekesa, kade ke linne aj pangle le ketane. Aj anda kado gindoj o utrikesminister Carl Bildt ke kodo manusz peshel varekaj ande kodo systemo aj cordel avri intrego informacia.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".