Parasito pajesko del nasvalipe//Scanpix.FOTO: MARK LUTHRINGER.
Nationalno

Pajeski bakteria saj nasvalarel 9000 zhenen

Jek rodipe las pe karing e pereske nasvalimata ando Östersund, o rodipe laspe ke si gindo ke saj kerdzilas miljöbrott.

O prokuroro pennel ke saj avel kade ke unji firmi chi denaspe gindo vaj chi linepe sama aj mukle kasave parasiton ando paji.

Po presskonferans so sas adjess rapportulisardas o Östersunds komun ke chi birisarde te araken katar aven le bakterni.

-kadal rodimata kaj kerdam sikaven ke le komunalni reningsverk naj o problemo, akana site rodas majdor pendas o VA-chef Rickard Jonsson pe o presskonferans.

Desar vazdaspe e peresko nasvalipe ando Östersund pennel akana o Smittskyddinstitutet ke le porange parasitura naj kade chudasa sar kaj gindojas o manusz.

Parastune kuko kurko si phendo ke le manusz kaj trajin ando Östersund site kiraven pesko pimasko paji. O gindo si ke karing 9000 manusz saj nasvajle kadalestar. O nasvalipe sholpe po per aj saj inkrel zi kaj le 4 kurke.

O parasito bushol Cryptosporidium aj arakle les sar avel le pajesa anda Storsjön, kotar das vov perdal o reningsverk aj zi kaj le manuszenge krantura. Sar kado kerdzilas inke chi zanen alle gindon ke e toaletongo paji saj hamisajlas ketane le krantoske pajesa.

Kasavo nasvalipe kaj perdzios le pajestar si o maj baro ande Swedtisko historia pennel o Smittskyddinstituet. 

Le polici zumaven te den po agor sar kado saj kerdzilas aj pe kas te shon e responsibilita.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".