RKC Stockholm

Seminarium pa diskriminacia ando RKC

Seminarium pa diskriminacia
8:42 min

E diskriminacia si bari pe e rom ande intrego Europa vi ando Shvedo si diskriminacia pe rom. Kado si jekh fakto ke kana e delegatcia pe romane pushimata dine gata peski buci mukle von avri jekh strategia khaj bushol Romers rätt - en strategi för romer i Sverige - jekh strategia sar te lashiarel pe e romengi situatcia ando Shvedo.

Kadala faktasa ande pesko vast vazdas o romano kultuarko centro jekh seminarium pa e diskriminaca e romengi ande Europa numa e jakhenca pe Shvedoski buci thaj vorbipe sar e kaver thema shaj te len perdal kadal strategi ande peske thema.

Romano kulturako centro akarde sitciarde manushen thaj akarde ambassaden ande pesko lokalo ando Stockholm. Po than sas manush anda ambassadi thaj ambasadorura anda Francuzuski ambasada, rumunitsko ambasada, bulgaritsko, tjehicko ambasada thaj inke 3 kaver ambasadi bishade peske manushen te shunen thaj te sitcion khatar e shvedosko exemplo.

E konferencia las pe ke o Hans Caldaras vorbijas pa pesko trajo so vov naklas sar terno ando Shvedo thaj ke kadi diskrimicia sas acceptovano ando Shvedo kana vov sas terno.
   Pala leste vorbijas e ambasaderska anda Rumunia e Raduta Matache khaj phenelas ke maj but rom si ande Rumunia ande intrego ljuma thaj ke e rumunia kerel dosta but buci e romenge thaj ke e rom univar korkori alosaren pengo pharo melalo trajo.

Pala e ambasaderka Raduta Matache las e Maria Leisner te vorbij pa e buci so von kerde ande delegatcia pe romane pushimata. Voj phendas ke voj dikel ke inke adjes si socialno acceptovano te kerel pe diskrimicia pe rom ando Shvedo thaj ke e manush trobuj te dzanen o chacipe so o Shvedo kerdas peske romenca tela kadi vrama.

Maria leisner vorbijas ke trobujas o shvedo thaj intrego europa te vazdel opre jekh chachimaski kommisia pe e rom te dzanen sa manush so kerdas pe ande lenge thema. Thaj phendas vi e vorba ke e manush trobuj te ladzan pe katar kodo so kerdas pe, ke kana e manush ladzan pe katar kodo so von kerde chi kerna von kodo po dujto

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".