Nationalno

JO dikel perdal le policiengi buci

Karing le 65 zhenen shude avri anda them kadi dor kado bersz anda kodo ke mangenas luve pe vulici, kodolen kaj so shude avri si EU-medborgare, aj anda kado kamel akana o Justitieombudsmannen vaj JO te dikel perdal le policiengi buci kaj kerde kanna shude avri le manuszen anda them.

Le polici shude avri le manuszen pala o utlänningsparagrafo anda panvardistobersz, kaj pennel ke tenna birija o manusz kaj mangel love te arakel pesko djesesko lov kavere dromesa saj shudel les avri o them.

Alle kado inke chi zanen vaj saj keren vaj na ke jek kaver regulo pennel ke te san EU-medborgare saj ashes andek EU-them zi kaj le trin shon.

Desar shude 26 Rumunon avri anda them majanglal kado bersz lel akana o JO aj dikel perdal vaj misto kerde le polici vaj na.

Le Sweditskone policien si ruzni gindura karing le manusz kaj mangen, le Rikspolisstyrelsen pennen ke inke jek grundo mussajas tal kaj shude avri e EU-medborgare anda them aj na ferik ke mangenas love.

O JO si te del pesko atveto pa kado rodipe karing le polici anda Stockholmo po kaver bersz.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".