Parasito ando paji del konsekvencija ande komuna

6 500 ziene nasvalej anda pajesko parasito

Le pajesko parasito kaj lasas pherdal le phimasko paji ando foro Östersund las te lel bare konsekvenciji  e komuna anda khado.

Adzes musaj sas 2 operacini Sali than phandade ande Östersunds bolnjica anda kodo ke pherdzile thaj nasvajle sa pop her thaj pherdile vi le personalura ande bolnjica.

Detradzine sas ca 200 personalura anda Östersund bolnjica khere ke pherdzile e parasitbakteria. O ledning anda bolnjica ghinavel inke maj buth nasvajvena thela khadala dzes so pashon. Sakofalo inkerdzol pe personalura kaj kheren buchi opral pa phengi vrama thaj pe vikarier.

3000 litri urzo paji ingren ande boljnica tena phirel o nasvalipe maj dur .

Zi adzes 6500 Östersundura nasvajle khatar khado pajesko parasito.

Adzes site avel o atveto chi o parasito avel anda reningsverket. Le probi kaj linensas maj anglunes anda reningsverket chi sikadesas chi sosko spår pala parasito. Ale khotar dine pe dosh ke chores kherde khana line le probi anda kodo musaj inke jokkvar te len neve thaj o nevo atveto zukardoj adzes anda Smittskyddsinstitutet.

Opruch le probi anda reningsverket line probi e miljökontoret vi krujal o than kaj si o reningsverket.

O parasito bushol Cryptosporidium thaj si kaj pherdo zverura, maj buth ande korovnjia thaj bakre. Shaj pherdzoj anda paji vaj khatar le zelenimata. E infekcia shaj pheres manush manushestar.

Le parasitos site avel jekh gazda ande kaste vov shaj inkerdzol zuvindo vaj ande mansuheste vaj zvjersoste. E vrama si ca jekh kurko zipon malavel o nasvalipe avri pe mansuheste.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".