EU- thaj demokratiminister Birgitta Ohlsson.

EU-Strategia pa Rom

EU thaj demokratiaki ministerka Birgitta Olsson
5:25 min

1 januari las o Ungriko them perdal o sherutno Eu:osko than ande Eu:oski ministerongi consiligla pala e Belgia.Kado sherutno than inkrel jekh them 6 shon thaj pala kodo paruvel pe o sherutno them po khaver them.

Ungriko so das andre ando EU ando bersh 2004 las kado sherutno than angluni data thaj e prioritatci so von vazdena opre khatar o Ungriko them si te vazdel pe jekh stabilizacia ande Eu:oski ekonomia, sar te bararel pe e unia, e energiako pushipe thaj sat te kerel pe maj lashi integracia e romenge ande e europake thema.

Kado si angluni data jekh them sar sheurtno them ande EU vazdel opre e romengo pushipe pe maj uci politicno levelo. Ungriko them kamel te kerel jekh Eu-strategia sar te kerel pe jekh integracia pe rom.

Kado si jekh bari buci so trobuj te phenel pe bravo, ke chi sosko them chi kerdas kado maj anglal phenel e EU ministerka e Birgitta Olsson.

Birgitta Olsson phenel ke vi te si kade ke si kado vazdino opre dzanel pe ke si bari diskriminacia pe rom ando Ungro.

But reakci vazde pe krujal ande europa khatar organizaci thaj vi khatar differentne journalistura khaj phenen ke lazdav si ke jekh them sar Ungro shaj te inkrel jekh sherutno than tela 6 shon kana len si jekh partia ande parlamento e partia Jobbik so si nationalisticno thaj so phenel puterdes ke e rom naj lashie thaj antiziganisticne.

E ministerka Birgitta Olsson phenel ke von shuden pe khatar e Jobbikoske ghindura thaj chi shunen pe lende thaj ke chi ashol pe lende so vazdel pe opre pe e Agenda ando EU.

Sako jekh them si te lel e strategia karring phende thaj sako them musaj te lel peski responsebilita karring e rom nashtik e thema te dzukaren po EU feri e thema musaj korkori te len pengi responsebilita.

Birgitta Olsson phenel ke jekh pushipe so si vazno te keren e thema si te birin e romane chavora ande intrego Europa te phiren normalne ande skoli. Ande normalne skoli na ande skoli khaj nasvale manush phiren feri te avel e romen jekh chachipe te phiren sar khaver chavora ande skola.

Ande kadi romani strategia ande EU avna differentne Eu-fondi khaj avna love dine te vazdel pe opre e romengi trajosko standardo.

Thaj akanak musaj e thema te len peski responsebilita thaj vi o shvedo si te lel peski responsebilita ke vi o Shvedo chi kerdas sa so trobuj tela kadala bersh.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".