Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani
Nationalno

Ternimata pheren ande specialne skoli

Publicerat tisdag 1 februari 2011 kl 14.09
Särskola
4:00 min

Ando Shvedo avilas avri ke za but chavora phiren ande Särskolor, specialne skoli khaj si e chavorenge so si nasvale vaj khaj si specialovane kodolenge si chi birin te sitcion ande normalne skoli.

O nevipe avilas avri pala jekh rapporto so avilas khatar e skolinspektionen, thaj kote skrijas pe ke naj dosta lashio dikipe vaj za chorro rodipe pe chavora ke pala zakono chi trobusardov kadal chavora te phiren ande Särskolan.

Kado rapporto chudij e Greger Bååth so si generalnodirektoro pe specialpedagogiska myndigheten.  Skolinspektionen kerdas buci ketanes thaj dikle perdal 715 rodimata pa e chavora so phiren ande kadal specialnie skoli - särskolan ande 30 kommuni thaj kodo so si chudda si kodo ke sa e kommuni line kritika pe peski buci.

Ande but bucia sas vi kade ke nas jekh gata rapporto po chavoro vaj kodo si te phirel ande Särskola vaj na, phenel o Greger Bååth. Ande kado rapporto so e skolaki inspekcia del andre khaj o regeriungo sikadziol vi pe ke maj but chavora kaver nationalitetosa sar shvedicko si ande kadal särskolor ande e fondunii skola vi te naj chachi statestika pe kado si kado chudda phenel o Greger Bååth. 

E  skolaki inspekcia chi birij te del atveto sostar e situatcia si kade adjes ke maj but dzene kaver nationalitetosa phirel ande kadal särkolor numa mangel akanak jekh maj baro rodipe ande kado pushipe. O rapporto agorij pe kodolesa ke si jekh problematika te perel pe andre chorres ande särskola. O problemo si ke maj phares si e manusheske maj palal te phirel ande normalno maj uci skola thaj maj phars si kodoleske te lel jekh normalno buci kana avla maj phuro.

 Akanak si e kommuni te len pe pala kadi buci thaj akanak musaj neve rodimata te aven pe kado ke te si kade ke aste chavora phirede ande kadal skoli musaj te avel jekh zutipe lenge te sitcion pale thaj te aven pe sa kodo sitciarimasko levelo sar e saste chavora ande lenge bersh phenel o Greger Bååth pa specialpedagogiska skolmyndigheten.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".