Katri Linna sas tele shudini pa peski buci
Nationalno

Katri Linna tele shudini pa peski buci

Katri Linna hasardas peski buci
2:49 min

Aratchi birisardan tume te shunen ke e Katri Linna sas tele shudini pa peski buci sar sar o Diskrimineringsombudsman ando Shvedo.

Bari kritika sas pe late shutini khatar lake buciara thaj kado ke voj sas tele shudini pa peski buci chi chuddisardas bute manushen.

Erik ullenhag das kado komentari pe kodo ke e Katri Linna sas shutini pe kaver buci. E Katri Linna ashilas ando bersh 2005 ombudsman po etnisk diskriminering thaj kana e shtar diferentne thana po DO sas ketane shutine ando bersh 2009 ashilas e Katri Linna generalno direktoro po DO.

Tela kadi vrama so voj kerlas buci po DO sas voj kritikovano khatar peske buciara anda peski buci sar sherutni.

E situatcia po DO chi inkrela pe maj dur phendas na durmut o jurista Sture Frylen kana o Ekot lesa vorbisardas. Sture Frylén muklas peski buci pala uni shon po DO.

Pasha kado phende but manush so kernas buci po DO ke von acharnas pe korkori diskriminovane khatar e sherutne, jekh chudda kana o manush del pe ghindo ke von korkori kernas buci po diskrimineringsombudsmannen khaj si te malavel tele e diskriminacia.

Jekh so si kriticno karring kado ke e Katri Linna hasardas peski buci si e Eva Nikell so si sherutni pe buciaki unis ST - statstjänstemännens fack.

Voj phenel ke o debatto pa late chi dzalas sar khaj trobujas.

E Katri Linna kerla akanak maj dur buci sar generalno direktoro feri ke akanak kerla voj buci po regeringskansliet khaj voj kerla buci pa romengo pushipe.

E Katri Linna avla akanak sherutni ande buci sar te vazdel pe opre jekh parni kevnia pa rom, jekh chachimaski kevnia khaj si te sikavel kodo so e rom nakle ando Shvedo e palune 100 bersh.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".