Så sent som vid lunchtid medverkade Bert Sundström i direktsändning i Rapport. Foto: Sveriges Television.
Internationalno

E journalistia si atakerime ando Egipat

Atakia prekalo internationalne journalistia ano Egipat. Ano sherutno foro Kairo ando Egipat ertain phenolpe kaj o STV zuranaljisto o Bert Sundström si chalado chuarasa palo dumo thaj si chaldo ando shero akana ljolpe sama ljestar andi bolnica ando Kairo. Numa chachimastar so kerdape thaj sar alu dji ko atako prekalo o korespodenti o Bert Sundström na djanolpe phenol akava o Olov Carlsson, divisionschef ando SVTs Nyheter:

Amen gindisa kaj djan so kerolpe gothe numa vi djana sa kaj e situacia chi si mishto, amen vi vorbisa e Bert-sa sar te phirol ando than te na arakholpe probljemjenca.

O Bert si jekh kotar o zurnaljistia save isi experiense pe akala situacie. Vov gelo avral te dikhol so kerolpe te dol jekh raporti, numa gindilpe kaj alo ando jekh bango than thaj arakhljape bange manushenca ando Kairo, phenda o Olov Carlsson, divisionschef ando SVT:s nyheter.

E Bert Sundström-miski situacia ljolpe but seriozno, numa phenolpe kaj si stabilno. Vorbilpe vi kaj e gazetako korespodenti ano Expressen o Urban Hamid sas atakirimo erachi ando Kairo, thaj pe zor nashlas te arakhol piro djivdipe.

Amerikako TV- kanalo ABC kerde jekh lista pe sa e medier save si po than thaj pe journaljistia, save sas trakaserime, marde ja se phanade ando phaljipe. Andi Lista sas majbut se 50 anava.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".