Mahala Rai Banda
Kultura

Mahala Rai Banda

Mahala rai banda
2:08 min

Mahala rai banda si jekh romani gruppa so avel anda Rumunia pasha o foro bukarest.

 E gruppa sas ketani shutini khatar o romano violinista thaj o kompositoro Aurel Ionitsa, vov avel anda jekh romani familja khatar e romani gruppa Lavutara khatar o gav Clejani.

Aurel Ionitsa si njamo bute romenca ande e kaver pindzardi gruppa Taraf de Haiduks.

Mahala Rai Banda cirdel jekh romani muzika so akardziol pe romano brass. Ande lengi muzika shaj te shunel pe eviolini, acordiani thaj sa e trumpeti. Mahala Rai banda muklas peski angluni cd ando bersh 2004 ande bukaresti thaj kerde jekh produkcia kaver manushneca so azutisarde len a produkciasa a muzikasa.

Pala kodo vrama so von mukle pengi angluni cd vazde pe von opre sar jekh anda e ljumake maj pindzarde romane gruppi ande e romano brass zhangra. E gruppa cirdas opral 200 consertura ande 26 thema thaj lengi muzika sas ande but filmura thaj von line vi but prisura khatar differentne muzikake assosiacia.

Ando bersh 2009 sas lengi cd opre shutini sar jekh anda ljumake 10 maj lashie cd khatar e anglishitsko muzicno gazeta Songlines.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".