Adjes len pe e krisi vaj bishavna le Assangos palpale ando Swedo. Foto: Lefteris-Pitara/Scanpix.
Nationalno

Krisi karing o Julian Assange

E krisi ande Anglia linne pe karing o Julian Assange o sherutno anda Wikileaks aj site diken vaj bishavna les ando Swedo vaj na. Vi te avla phendino la krisatar ke site bishaven les saj lel kado dosta vrama, ke leske advokatura planulin te vazden jek apelacia karing e krisi.

De anda november 2010 bersz zumavelas o Swedo te annel e Julian Assangos palpale ando them. Sas le jek häktnings order anda Europa, aj kamenas te annen les ke si gindo ke kerdas zor pe zuvlande.

O nevimatongo bjuro AP pennel ke pharesi la krisake anda Anglia te malavel tele kasavo häktnings order, te si kade ke si grundo le gindon kaj si shutine karing o manusz, aj ke leske manushikane chachimata si inkerde.

Le Assangoske advokatura pennen ke le gindura vaj anglagelser kaj si karing les,

shutinej la Amerikatar te malavel le Assangos tele

desar leski organizacia Wikileaks muklas garudine lilla anda Amerika sar pa maripe ando Irako.

Andek skiripe le sendgaske Howard Riddle pennel le advokature ke si chansa ke o Assange perla ando Guantanamo baza aj ke saj den les o merimasko verdikto.

Pe angluno djess la krisako chi chalilas le prokurorka Clare Montgomery ke pennen ke le Sweditsko prokurorka Marianne Ny naj prava te lel jek Europeisk häktningsorder, aj kaj kerdas kado kerdas kado p ena chache grundura.

Montgomery pennel vi ke o Assange sas ando Swedo dosta vrama te len te pushen les zipun vov chi muklas o them ando September.

E Anglisitska prokurorura pennen ke o Sweditsko åklagarmyndigheten zumade butivar te len kontakto le Julian Assangosa ferik chi birisarde.

E teoria ke o Swedo chi della le manuszikane chachimata le Assangoske chi inkrel pe krisi anda kodo ke o Swedo skirisardas pe telal e FN konvencia pa le manuszikane chachimata. 

Le Assangosko advokato o Geofrrey Robertson pennel ke si riziko ke le krisi chi zana kade sar kaj trubuj ke ando Swedo inkren kasave krisi pala phandade vudara aj naj chi jury pe le.

E sherutni anda Medborgarättsrörelsen e Britta Sundberg-Weitman, inkerdas e Julian Assangoski rig kanna gelas te kerel vittna pe leski adjess. 

E Sundberg-Weitman pennel ke loko avilov e prokuroroske te inkrel förhör le Assangosa kanna vov inke ando Swedo sas, aj sar te kerel o förhör linne aj shute pe les ke zor kerdas pe zuvlate angla intrego luma.

 -Angla man aj konnik kaj kerdas kasavo chorripe kaj naklas sakodo sar o Julian Assange. Chi acharav lako attityd karing les, pennel e Sundberg-Weitman.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".