Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani
Nationalno

Zakono pe chavorengo sastipe

Publicerat måndag 7 februari 2011 kl 12.12
Chavorengo mishtipe
(4:07 min)

Jekh neve zakono kamel o regeriungo te vazdel opre pa e dadenge thaj dejangi rolla kana si len gemensam vårdnad pa chavora. Sar si adjes musaj sel duj djene te den pengo shajipe kana o shavoro si te dzal ande bolnicia te mangel zutipe khatar psykologura.

Te na kamela jekh anda e duj te na dzal lengo chavoro khaj o psykologi chi lela atunci o chavoro kado zutipe.

E justiciaki ministerka e Beatrice ask phendas adjes khaj e gazheta Svenska dagbladet ke kado zakono birija te zutij e chavoren maj but kana o dat thaj e dej si ande jekh separacia.

Ke adjes chi birij pe te dikel pe sar si e chavoreske khatar jekh psykologo te na kamela o dat vaj e dej te dikel pe pe chavoreski situacia. E Ewa Svedling so si sherutni po Rädda Barnens shvedoski sekcia phenel ke kado si jekh lashio propozalo ke atunci dikhel pe so si maj importatno khaj e chavora.

Ewa Svedling phenel maj dur ke maj but anda kadal bucia djala avri kana e dej thaj o dat si ande jekh seperacia. Pala kado nevo propozalo birina sel duj te dzan penge chavorenca khaj jekh doktori te dikhen sar o chavoro acharel pe. 

Omar Damouk so si aktivno manush anda e organizacia Pappa -barn si kriticno karring kado propozalo ke vov phenel ke kado zakono shaj te romuj maj but familji thaj ke e psykologon avla za but zor ande e krisa so djana pa e chavora.

Ewa Swedling anda e Rädda Barnen phenel ke shaj te aven uni psykologura so shaj te dikhen feri ande jekh rif numa ke e manush si te pacan ande e psykologura ke von djanen te keren pengi buci. E Ewa Swedling phenel maj dur ke e dada thaj e deja musaj te len pengi responsebilita thaj te dikhen so si maj feder e chavoreske thaj te na dikhel o dat thaj e dej so si lenge maj feder angla e chavoresko mishtipe. 

 Kado zakonosko parujipe lela peski zor te nakela sar jekh zakono 1 januari ando bersh 2012

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".