Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani
Internationalno

Internationalno kritika pe Swedoske krisi

Uppdaterat tisdag 8 februari 2011 kl 16.10
Publicerat tisdag 8 februari 2011 kl 10.55
O Assange pennel ke te avla ando Swedo saj bishavna les ande Amerika. Foto: Matt Dunham/Scanpix.

Akana zan le krisi pa Assange ando London maj dor, te diken vaj bishavna les palpale ando Swedo vaj na. O Swedo kamel les palpale ke si gindo ke kerdas zor pe zuvlate ando Augusti kuko bersz.

Le Assangosko advokato pennel ke si bari chansa ke o Swedo dela le Julian Assangos la Amerikake, aj kote saj linnov merimasko straffo anda kodo ke leski firma muklas diplomaticni garudine lilla po Internet. O Assange pennel ke karing les zial akana jek CIA-konspiracia.

På Internet aj ande themutne madji zan bare diskusji pa o rättväsendet ando Swedo. Jek ekzemplo si ke pennen ke o Swedo si ande le feministonge vas aj inkerdo katar o CIA, pennen ke o Sweditsko rättsväsendet si korrupt aj jek bananrepublik.

But internationalni pindzarde manusz inkren le Assangoski righ. Sar o Amerikanitsko filmari o Micheal Moore aj o Australianitsko journalista John Pilger, angla les si o rättsprocess shutino ande policni vas. Aj o Moore skirisardas andek lil le Swedoske ke o Swedo si jek tem shutino le manuszenge kaj keren zor pe zuvla, ke na but pheren ande krisi anda kado iva but anmälningar vaj butivar opre dinnej kaj le polici.

Kaj o Swedo hirtelen las te rodel le Assangos anda vorta kado pennel o Moore ke chi acharel, vov gindoj ke o gindo kadalesa naj te huchilen jeke manuszes kaj kerdan zor pe zuvlate ferik te keren kodo so e Amerika pennel lenge.

Kritika vi si dinni pe prokurorka Marianne Ny kaj chi kamelas te kerel o förhör vaj te bushel le Assangos pa camera vaj andek Sweditsko ambassada.

So si possitivno phendo si ke o Swedo si inkerdo sar jek anda le themma kaj naj korruptcia. A organizacia Transparency internationals si jek index pe kado aj o Swedo tordziol ketane le themesa Singapore sar a lumake tritti themma kaj e korrupcia naj.

O Statsminister Fredrik Reinfeldt das komentaro pa e kritika so si dinni karing o Sweditsko rättsprocceso.

-Skodaj. Amen si jek rättsväsen kaj inkrel le Sweditska regulura, po Julian Assange si akana jek åtal ke kerdas zor pe zuvlate. Aj me ferik saj pennav ke skodaj ke le zuvlango chachipe ando them vazij kade lokko kanna aven kasave pushimata. Ando Swedo si ame jek rättsystem kaj tordziol pe peske punre aj naj inkerdo politicnie.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".