Brigako chavo Foto: Claudio Bresciani/Scanpix

115 000 chavora vorbisarde khaj Bris

BRIS mukhel nevo rapporto
4:12 min

Adjes avilas e bershesko rapporto khatar e organizacia Bris - barnes rätt i samhället. E organizacia so lel pe pala e chavorenge chachimata ando them. Ande kado rapporto avilas kodo ke maj but terne vorbin lende te mangen zutipe sar maj anglal.

O rapporto sikavel ke ando bersh 2010 line karring 115 000 chavora kontakto kusa e organizacia pa telefono, mail vaj po chatto pa e internetoski rig khaj o BRIS.

Ando bersh 2009 sas e siffri pe 110 000.

Numa vi te vazde pe opre e siffri ande e telefonske rapporto si sikadzion pe kadal siffre ande e kriminalno statestika, ke but anda kadal ternimata vorbin anonymno thaj chi kamen te phenen pesko anav phenel o generalno sekretari anda Bris o Göran Harnesk.

Maj normalno si ke e ternimata len kotakto kusa o Bris kana len si problemo ande skola, e kolleganca vaj kam daran varikastar, vaj problemura ando kher. Jekh anda e kategorij so vazden pe maj but opre si o kontakto kusa e themeske organizaci, but chavora acharen ke konik chi lel lengo glaso seriozno sar exemplo kana von vorbin e socialosa vaj kusa e ternikani psyhiatra.

Kado bersh kana e organizacia perdziol 40 bersh si len vi zurale mangimata ande kado rapporto.
Jekh anda e mangimata so von mangen si kodo ke o Shvedo si te lel e chavorengi konvencia sar jekh shvedicko zakono te dikhel pe so si maj feder pala e chavoresko dikhipe. Akanak kamel o Bris te vazdel pe opre jekh dzanglimasko thaj rodimasko centro pa intrego them te birin e themeske organizaci te sicion sar te vorbin e maj terne chavorenca.
Thaj atunci birin sa e organizaci so keren buci e chavorenca so nakle pharimata te len kontakto kusa kado centro. 

 Jekh kaver mangipe so o Bris mangel si te avel lengi telefonaki linja phuterdi 24 chasura 7 djes ando kurko ke kadal vrami so len si akanak naj dosta phenel o generalno sekretrari anda Bris o Göran Harnesk. 

Bris vazdas peski telefonoski linja ando bersh 1980 khaj bushol Barnens Hjälptelefon - e chavorengo azutimasko telefono thaj bershenca ande von andre vi azutipe po email thaj po chatto.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".