Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani
Nationalno

Ertechia kodolenge so sas pe chavorenge khera

Uppdaterat torsdag 10 februari 2011 kl 16.33
Publicerat torsdag 10 februari 2011 kl 12.21
Kompensacia
(3:48 min)

Chavora so beshle ande chavorenge khera - barnhem si te len jekh ertechia thaj kam vi jekh lovengi kompensacia. Kado phenel e Maria Larsson so si chavorengo thaj maj phurengi ministerka, kana voj adjes del jekh rapporto pe jekh rodipe khaj o regeriungo.

Le utredare anda Regeringo pende ke kodole manuszen kaj nakle chorripe de ternata sar vanvård ande femiljehem vaj institucji site len 250 000 koroni sar komensacia. Kado sas pendo ando rodipe kaj bushol Upprättelseutredningen.

But anda e manush so barile ande instituci phenen adjes ke von nakle bare nasulimata sar marimata thaj sexualne zor, thaj pala kado phenel e ministerka Maria Larsson ke o regeriungo mangela ertechia anda kadal bucia. E ministerka phendas ande gazheta Dagens nyheter ke voj chi ghindoj ke trobuj te paruvel pe zakono pe kado te kerel pe kada bucia thaj pacal ke maj angle ande vrama shaj te avel kado ke mangela pe ertechia anda o chorripe so e ternimata nakle ando Shvedo.

O rodipe so sas pe chavora so beshle pe chavorenge institutci mashkar e bersh 1920 zhi khaj o bersh 1980. Jekh officialno ertechia anda kodo so kerdas pe si vazno. Jekh kommuna so aba manglas jekh ertechia si e Borlänge kommun so manglas jekh officialno ertechia khatar jekh manush so naklas pharimata ande pesko trajo pe institucia.

Numa vi te mangel pe ertechia trobuj te dikhel pe maj angle ande vrama te dikhel pe sar te na kerel pe kadal nasulimata vi adjes thaj pe kodo si neve dikhimata phenel e Lena Angberg so si sherutni po socialo ando Borlänge Kado rapporto phenel ke e manush birina te mangen lovengi kompencacia numa kado shaja te avel maj angle vramasa thaj chi dzanel pe inke kana kado avla. Jekh lovengi kompencacia avilov mishto, phenel e Birgitta Pallen so naklas kadal pharimata ande e instituci kana sas maj terni.

Jekh ertechia avla savoren numa Jekh lovengi kompensacia trobuj o them te lel ande peske vast phenel e Sara Roxell pa SKL, Sveriges kommuner och landsting Ando Norvego vazdas pe kadi debatta ande bersh 1990 thaj pala e debatta areslas kade ke e manush so nakle e phare vrami pe kadal institutci line lovenge kompencaci. Kote line e manush mashkar 200 000 thaj 725 000 norvegicka koroni.

Thaj kote pocinenas vi e kommuni thaj vi o them pa e nasulimata so sas kerde pe e chavora ande e institutci.

E kompensacija site den kodolenge kaj nakle fysicni vaj psyhicni övergrepp, maskar e bersz 1920 aj 1080.

O rodipe vi sikavel ke trubujas tall jek ceremonia te mangen ertechija aj representantura anda Regeringo tan po tan.

Kadi propozicia pa kompensacia sital akana bishadi po remiss zi ando 15 majo.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".