Bussura chi traden pa intego Stockholm

E trafika las te phirel

Akanak dzal e lokalno trafika ando Stockholm pala jekh pharo djes khaj sas but jiv pe droma.

But jiv das tela e intrego raci thaj tela o djes thaj kado vazdas opre bare problemura ande e trafika ande Svealand thaj teluno Norrland. Tela kadi raci das pe uni thana zhi khaj duj decimetri jiv thaj kado kerel ke si but jiv pe droma thaj ke e zurale balvalja phurden o jiv maj dur.

Storstockholms lokaltrafik (SL) phandade tele sa peski trafika pe e bussura ande intregi Stockholmslän. Ande Dalarna, teluno Jämtland thaj ande Gävle si zurales phares te tradel pe pe e droma, phenel e Trafikverket.
Ando Stockholm line e bussura te traden na regularne pala 12:00 Trafikverket phendas e manushenge ta na traden penge vurdonenca pe droma te naj lenge musaj.

But malajimata mashkar e vurdona sas ande Gästrikland thaj Hälsingland, numa konik naj zurales dukado. Vi e trafika pe hurajiplanura sas maladi tele, but hurajiplanura chi huran pe vrama khatar Arlanda thaj Bromma.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".