68 bershengo mursh avri muklo khatar e krisi

Jekh mursh so las krisi anda jekh 24 bershengo mudaripe ando Eslöv so si ande teluno Shvedo sas muklo khatar e krisi kana kado naklas pa hovrätten. Ando bersh 1986 sas jekh 79 bershengo mursh araklo ande pesko kher ando Eslöv, vov sas tasado kusa jekh telefonicno kablo.

Pe kado kablo araklas e policia najenge semnura khatar kado 68 bershengo mursh so sas astardo khatar e policia ando paluno bersh.
Kana sas e angluni krisi ando Lundo phenlas o mursh ke vov chi kerdas kanchi thaj vi kade las vov jekh krisi pe 10 bersh, ande e dujto krisi po hovrätten phendas e manusheski defencia khaj e krisi ke o najengo smeno shajas te perel kote angla o mudaripe, thaj pala kadal evidencia sas o mursh avri muklo.

Akanak si o them te pocinel sa e mursheske krisange kosti.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".