Opral 2 miljonura rozi bikindion pe kado djes 14 februari Foto:Scanpix
Kultura

Sa e hjilengo djes - Alla hjärtans dag

Valentine djes
3:22 min

14 februari o djes khaj phenel pe Valentines day - sa e hjilorengo djes vaj sar shaj te phenelpe e kamadengo djes. Kado djes si drago bute manushenge ke avel lenge luludja thaj kamipe thaj kaverenge si kado djes feri brigako ke von atjaren pe korkori thaj kado djes sikavel lenge ke von si korkori.

Numa kon sas kado Valentine khaj birij adjes vi te losharel kado djes thaj vi te romuj e manushenge kado djes? Ande historia chi birij pe te arakhel pe e chachune Valentine, ke but mistika si pa kado vaj kadal manush.. Numa o maj pindzardo valentine sas o Valentine so trajisardas opral 1700 bersh kodolestar ande Italia.

Vov sas mudardo jekhe martyresko mudaripe vorta 14 febrari ando bersh 269 anda kodo ke vov das ansuripe khaj jekh terni para thaj kado sas kriminalno khatar o Emperato Claudius so inkrelas o them atunci. O emperato kamlas te inkrel sa e murshen ande peske ketani thaj kana sas e mursh ansurime nas von lashe ketani.

Tela e vrama so o Valentine beshlas ande temlica pindzardas pe vov jekha djuvlasa so anlas leske paji thaj habe ande temlica. Tela kodi vrama so voj anlas leske habe thaj paji skrijas vov lake kamimaske lila khaj vov lake skrijas tele pesko baro kamipe thaj sa kodo djes khaj von ingerde les te mudaren les 14 februari skirisardas vov lake jekh kamimasko lil thaj agorisardas o lil: Sa kado kamipe si khatar chiro Valentine.

Akanak kade 1700 bersh kodolestar si kado djes maj komersionalno.. Kana avel kado djes 14 februari bikindziol pe maj but sar 2 miljonura rozi feri ando Shvedo thaj pasha kado biknel pe but chekoladura thaj kaver presentura. Si kodola so phene ke kado si feri jekh komersionalno thaj nasul djes, thaj kaver so phenen ke kado si jekh chacho kamimasko djes.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".