Neve manush ande e Socialdemokraterna

4:06 min

Parashtune kado kurko avla o Håkan Juholt te avel alosardo sar nevo sherutno ande Socialdemokraterna pe o extra partiako kongresso pala e Mona Sahlin. Carin Jämtin avla alosardi sar nevi partiaki sekretarka.

Pala o alosaripe so e socialdemokraterna vestosarde avna vi kaver neve manush ande ande e verkställande utskottet - e sherutni borda. Kadi si e maj vazno gruppa ande Socialdemokraterna khaj si e partiaki zor. Pasha kado sas e valberedningen jekh kaver buci. Von sas inke te dikhen khas sas inke pacape ande e partia ande Verkställande utskottet thaj so chi mukle penge thana pala o alosaripe.

Valberedningen del 3 neve propozalura pe trin ordinare ledamöter. Pasha Juholt thaj Jämtin si o Mikael Damberg opre shutine. Damberg si te lel o than khaj si akanak o Thomas Östros thaj suppleanto khaj o Damberg lela o Leif Pagrotsky thaj nevi suppleantka avla e Veronica Palm khaj avla pala e Carin Jämtin.

Sar mezij pe akanak si e purane partiake manush so sas te la e Mona Sahlin avri pushle khatar e valberedningen. Thomas Östros jekh so sas jekh anda e maj zurale ande e partia thaj kon sas pashe pasha e Mona Sahlin si akanak te avel tele shutine pala jekh propozalo. Kado vazdel reaktci thaj inke chi djanel pe vaj vov mukhela pesko than korkori vaj kam avla jekh alosaripe ando kongresso.

Kado ke si but parujimata ande partia shaj te mezij pe ke e partia paruvel peski politika. Stig- Björn Ljungren so si statsvetare thaj socialdemokraticno debattoro phenel ke naj musaj te avel kade. Kado dikhela pe pala o alosaripe so avla ando bersh 2014.

Mikael Damberg thaj Veronica Palm si terne von si sel duj tela 40 bersh thaj sikavel ke e partia terniarel peske manushen. Sel duj aven anda Stockholmo thaj sikadjol pe ke e partia kamel te zurarel o Stockholmo te birin e Socialdemokraterna te njerin vi ando Stockholm o kaver alosaripe. Numa vi te si kade ke von si terne thaj anda jekh foro, chi dikhel o Stig-Björn Ljunggren kadale dujen sar manush so vazdena opre e partia. 

But diskussi djan pa partia thaj uni vorbin ke e partia dzal maj but ande chachi rig thaj kaver phenen ke e partia djal maj but ande stungo rig. Stig-Björn Ljungren phenel ke inke chi birij pe te dikhel pe ande savi rig e partia djal.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade ljud i menyn under Min lista