Kadaffi inkrel love ando Shvedo

3:43 min

O Sherutno anda Libya o Muammar Kadaffi inkrel love ando Shvedo pe jekh summa opral 10 miljardura koroni, skrij e gazheta Dagens Nyheter.
De khatar 10 mars si sa leske love tele phandade thaj vov chi birij te azbal len, pala jekh EU-decizia so inkrel pe e jekh rezolutcia khatar o FN.

Finansinspektionen djanel ande save firmi e love si numa e inspekcia chi birij te phenel khaj e love si phenel o Jonathan Holst anda Finansinspektionen.

Numa pala o djanglipe so o Ekot las si jekh firma e Kubal so si ande Sundsvall thaj so kerel buci kusa aluminium. Kodo ke e love si tele phandade si pala kodo ke e Eu:osko ministrongi koncilgia las kadi decizia thaj pala jekh kasavi decizia musaj vi o Shvedo te inkrel pe pala zakono.

Kana avel jekh kasavi decizia avel vi jekh lista pe manush thaj organizaci khaj te na birin te len e love thaj e finansove thana musaj te dikhen pe lista te na aven kodol te mangen penge love.
Ando Shvedo si e Finansinspektionen o than khaj bankura thaj kaver organizaci si te rapportulin kadale manushen khaj lenge love phandadjon pe tele.

Mira Nauman kerel kote buci thaj penel ke o banko inkrel e love maj dur, e manush chi birin te len avri penge love vaj te keren kaver transaktci penge lovenca. Kana avel jekh sanktcia te phandavel pe tele love chi avel atunci jekh agorutni data feri kadi sanktcia shaj te inkrel pe but vrama zhi kana o EU chi phenel ke kado si te lel pe tele phenel e Mira Nauman maj dur.

E love nakhen perdal jekh investfonda Libyan Investment Authority khaj e Regima so si tela Kadaffi inkrel peske love pa intrego ljuma. DN phenel ke kadala fonda si njerishagura so si pe 440 miljardura koroni

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade ljud i menyn under Min lista