Muller thaj Hawtais Zhang den vast. Foto: Ng Han Guan/Scanpix.

Saab das vast kusa Hawtai Motor Group

Saab Automobile maladjilas arachi lujine kusa e vurdonengi firma anda Kina - Hawtai Motor Group thaj getosarde jekh kontrakto mashkar pende. Saab thaj o Hawtai inkren pe ande jekh buci so bushol joint venture so avla pa kerajipe, teknika thaj distrubucia.

O sherutno anda borda ando Saab o Victor Muller skirisardas ande jekh nevipe ando presso ke kado partnerstvo zutij e Saaboski finansia thaj del e Saabos chansa te del andre pe vurdonengi marketa ande Kina.

Pa kadi buci las o Saab 150 miljonura euro ande peski finansa. Te nakhel kado kontrakto perdal musaj akanak e o Riksgälden, Europeiska inverteringsbanken thaj e raj anda Kina te acceptulin kado partnerstvo.

Akanak birija pe e produkcia pale te vazdel pe opre po Saab ande e fabrika so sas tele phandadi opral jekh shon ande Trollhättan.

Numa sar si e situatcia, pelas e krisa po Saab vaj na?

O Martin Sköld so si analytiko pe vurdona ande Handeslshögkolan ando Stockholm phenel ke si jekh lasharipe ekonomiasa jekh vrama maj angle numa e firma Saab musaj te vazdel pe opre te birin e manush pale te pacan ande e Saab.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".