Kurke si le manusz te alon po dujto. Foto: Marie Schnell-Forkman/P4 Skaraborg Sveriges Radio.
Nationalno

Nevo alosaripe

Nevo alosaripe
4:25 min

Kurke kado kurko si 1,2 miljonura manusz anda Västra Götaland te alon le ledamöter ando landsting po dujto. Aj vi 26 000 zhene ando Örebro site naken o komunalno alosaripe po dujto. Kado anda kado ke kerde apelacia po resultato pa alosaripe ando 2010 bersz. Saj sas kade ke chores ginade le alomaske lilla aj anda kado las o Valprövningsnämnden aj shutas jek dujto alope.

Pharesi te kides manuszen te alon pe le lokalni sectji ando majo. Sari e situacia ando Göteborg vorbinpe le manusz te zan te allon vaj na o Folke Johansson kaj si professor emerius ando statszanglipe anda Göteboergs universitet pennel:

-o manusz dikel affishura aj diskusj ande gazeti, no ferik naj kade ke le manusz zan krujal aj vorbin pa kado

Nas butivar kado kerdo ando Swedo ke keren jek dujto alope. Pala sako alope si varekon varekaj kej kamen apelacia te vazden. O alope kaj sas kuko bersz avilasas 92 rodimata pe apelacji, kaj so o Valprövningsnämnden musajas te dikel perdal, aj anda kadal pende von ke musaj o alope pa Landsting te keren po dujto ando intrego Västra Götaland aj vi le jek alope ando Örebro kommuno.

Pe situacia ando Örebro sas kade ke 17 glasura nas ginade. Pe lende phendesas budröster, kaj so chi naknas le kriterji kaj sas shutine. Te avilov kade ke sa misto kerde o angluno razo avilo jek chansa pe 40% ke jek mandato gelov la folkpartiake aj na le Socialni demokratonge. Aj te kerdzilo kado birisardov e bergeliga koalizacia la miljöpartiasa ti inkren o makto ando Örebro.

Ando landstingalope ando Västra Götaland pennel oValprövningsnämnden ke varesosko felero arakle ande sol Panis valkretsar vaj alomaske tanna. Jek anda le incidentura si ke 16 glasura nas ginade kaj sas te zan la centerpartiake, aj te kerdov von kado pelov la centerpartia jek mandato aj na le socialni demokraton. Kado kerdov kade ke zurardov le borgligaki gruppa.

Te keren o alope po dujto si jek situacia kaj si chudaso. Aj na but zhene anda e majoriteta zhanen pa sosi o alope vaj pe sos te alon. Andek rodipe pe e opinia kaj o SVT Västnytt kerdas phende 46 % ke le pushimata pa bolnici aj zutipe si o maj importantno pushipe, 26 procenti pende ke kaver pushimata sij maj bare aj maj importantni.

Kado razo zhana maj cerra zhene te alon sar kanna sas o angluno alope. Atunchi sas karing le 80% anda le manusz ando Västra Götaland te alon, a opinakorodipe sikavel ke akana butesa maj cerra zhene zhana te alon.

Akana si jek interestno balanso so zal ando Västra Götaland aj Örebro, ke pe sol duj tanna saj jek mandatao kerel jek nevo majoriteto. Le statsvetare phennen ke kanna cerra zhene zan te alon zal butivar o alosaripe karing le borgligaki gruppa.

O Yusuf Cabdow si jek socialnodemokraticko politiko anda Örebro, vov si anglunimastar anda Somalia, vov pennel ke kamlov vaj le lole vaj le vunetan tal majoriteto, ke chi biris te inkres jek lashi politika aj tan le Sverige demokrater e vågmästare.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".