Foto: Pontus Lundahl/Scanpix.
Nationalno

Swedo lel kritika sar hasnij e zutimaske love

E ekonomicno organizacija kaj kerel buci pe samarbeten aj bushol OECD das kritika le Swedos ke finansulij le ambassadi aj lenge bucia ande Europa aj vi pe kaver tanna pe luma le lovenca kaj si anda zutimaskobudgeto.

Te les exemplo saj dikes pe ambassadi anda Paris aj Madrid, len perel miljonura anda zutimaskobudgeto iva chi pheren von tela e katogoria so trubuj te les love anda kado budgeto.

E zutimaskiminsterka vaj e biståndsminister e Gunilla Carlsson pennel ke o regeringo site lel e kritika katar e organizacia OECD karing pes.

Aj opruch kado mangel e zitumanski organizacia e Action aid ot o regeringo te ashavel te shol le zutimaske love pe firmi kaj so zumaven te keren kade tenna pochinen le skatura.

E themeski firma Swedfund, kaj investulij le zutimaske love pe slabi themma, shutas karing le 90 miljonura koroni ande firma PanAfrica ande Tanzania, kadi si jek firma kaj cirdas avri karing le 100 miljonura koroni bi skatosko, pennel jek anda le vizira anda Action Aid ando Dn-debatt.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".