Jek religiozno gruppa ande Amerika gindon ke e luma site hasajvel savatone kado kurko
Internationalno

O Profeto: 21 Maj hasajvel e luma

8:33 min

Somaj but vorbijpe pa vrama kanna e luma site agorijpe. Kado djes saj perel po savato kado kurko. Hasajvela e luma akana savatone? E romani redaktcia las kontakto kodole manuszenca kaj so phende kado. Kadal manusz trajin ande amerika aj phennen ke ginade avri kana aj sar e luma site agorijpe. 

O Gunther von Harringa pennel ke kodo kaj kizdisardas kado sa si o Harrold Camping, vov das pe dosz ke kanna e bilblia vorbij pa o noah aj leski arka si skirime ke ando 600 bersz 2 shon aj o 17 djes ando trajo le noakosko linne pe le bare potopura vaj översvämningar. Kado si len sar grundo te ginaven kanna e vrama si kaj e luma site agorijpe. Sar von kado ginade avri, inkren tume ke sigo zal. Ando tritto kapitlo aj dujto verseto anda petrusosko evangelium si skirime ke 1 djess le devleske si 1000 bersz le manuszenge. Te inkres kado gindo aj te zas palpale ando purano testamento pennel o del le mojzesoske ke tella 7 dzes vaj 7000 bersz te inkresa o gindo site roden säkerhet vaj zutori ande arka. Kade ke te ginavesa katar o bersz 4990 angla o kristo aj te shos pashe 2011 bersz aj te cirdes tele jek bersz ke o bersz 0 chi ginadzol zal avri 7000 bersz. Achardan?, kade pennel o Von Harringa.

Po Internet sikadzol ke kado nas o angluno razo kaj von pennen ke e luma site hasajvel. Ando 1994 bersz maladzile von savore aj 21 majo tordzionas von puterde bilblenca aj zukarenas po jezus. Sostar chi avilas o jezus atunchi?

O Gunther von Harringa pennel ke pe kadi vrama sas e Harrold Campingos ferik duj bersz te ginnavel avri e vrama, aj ke atunchi chi acharelas jek specificno sitato.

Kade ke te zukarde von po jezus ando 1994 bersz, aj chi avilas sar saj avel vov 100% ke  avel akana?

Von Harringa: 100% ke kade site avel anda intregi bevis so sile.

O dujto pushipe kaj musajas te pushas si so kerdzola leske pachamasa tenna avla o jezus chi kado razo.

Pennel ke kade naj, vov zanel ke o jezus avel 21 anda kado las intrego organizacia aj shute intregi love so si le te den e informacia la lumake, pennel ke kanna perla o 21 majo chi avla le chi jek korona ke von bizinpe ke sital jek kasavo jordbävning vaj ke e puv site razijpe ke te sas o rekordo zanglo le manuszenge 14 punkti pe richterksala si kado te avel karing le 500 punkti.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade ljud i menyn under Min lista