Nationalno

Juholt (S) vs Reinfeldt (M)

2:48 min

O Statsminister Fredrik Reinfeldt aj o nevo sherutno anda socialnidemokratura o Håkan Juholt maladjon angluno razo adjes andek debato, po partiengodebato kaj o riksdag inkrel.

Desar o Håkan Juholt las pesko posto 25 mars maladas o Fredrik Reinfeldt tele sako pushipe te maladjon andek debato.

Aj desar intregi vizira le partienge site maladjon ando debato adjes saj avla kade ke sar maj but zana duj trin vorbi maskar o Statsminister Fredrik Reinfeldt aj o Håkan Juholt.

O Swedo sudro kerdzol pendas o Juholt nade peski angluni vorba karing o Reinfeldt. O Juholt penlas ke e anglune 2 ak dopasz shon anda peski kariera sar viziri la partiako tradelas krujal o Swedo aj kade sas leski reakcija.

-saj pennes ke o Swedo puchardoj ande pes aj so vov reslas. No ferik darav ke dikav so saj kerdzol le temesa kanna o sudripe halpe andre ando them. E pushimata so dinne mange sas, so kerdziol ande skoli, birija te inkrel o manusz e buci zi kaj pekse 65 bersz, birija te trajij pe muri pencia.

Pe kado das o Reinfeldt e kontra aj pendas jek bajo te beszes ande oppozicia aj jek kaver te beshes ando regeringo aj te les responsibilita.

Zipun kerde o debato las e TV4 Nyheterna aj e firma Novus aj kerde jek rodipe pe opnia maskar le Swedura te diken pe kas si maj baro pachape. 25% anda le phende ke pachan zurales po Fredrika Reinfeldt aj feri 6% po Håkan Juholt.