Nationalno

O regeringo las pr-konsulton

O regeringo las ungule pr konsulton tela maj lungo vrama te pennen e politika le manuszenge ando Swedo, kado sikavel jek rodipe kaj o Dagens Nyheter kerdas.

Jek exemplo si kanna o regeringo ando 2008 aj 2009 bersz sas te pennen sar e grundura si shutine ando o finansovo politicno ramverk pe peski internetoski patrin. Atunchi sas le konsultonge pochindo 287 500 koroni, kado dinne le te pennen sar von diken pe le textura aj po layouto.

Akana avel kritika pa bute rigende aj penne ke naj misto ke o regeringo shol kasave love pe kasave kosti kanna ando finansdepartamentet si karing le 400 buciara.

O Sven-Erik Österberg, kaj si o viziri le socialnidemokratongi gruppa ando konstitutionsutskottet, pennel ke trubunas te diken sar o regeringskansliet hasnij le kommunikaciakekonsulton.