Internationalno

Greciako regeringo tordzol majdor

4:52 min

O Finansminister o Anders Borg, possitivnoj pe o nevo regeringo anda grecia, aj o Viziri la sicalnipartiako o Giorgos Papandreou, kaj tela kadi raci dinne po agor le alomasa ande o grekitsko parlamento. Nirisarde ferik na butesa, kado desar intrego oppozicija kamle te malaven tele e regeringos.

O Anders Borg acharel ke misto kerde kaj kade kerdzilas o resultato no ferik kriticnoj karing e Moderatongi partia ande grecia, konservativni NY demokracia, kelas karing kado.

Vi o Robert Bergqvist kaj si chefsekono anda SEB, acharel kade ke o resultat osas avilas kadi rachi sas zurales importantno.

Kaj o regeringo nas perado aj o alosaripe gelas pe lengi hasna kadi rachi birin von akana te zan maj angle aj te roden zutipe katar o parlamento pe pesko sparpaket.  Ande kado paketo si, planura te vazden le skatura, te cinaren le budgetura 28 miljononca euro, aj te biknen le themske firmi vaj akcji be karing le 50 miljardura euro. Kado alosaripe sital po kaver kurko.

Te avla kade ke chi nakla e zutimaski paketa, chi denna la grecia maj but zutipe anda EU aj katar e internationalno valuta fonda, aj attunchi saj avla kade ke perla intrego ekonomia ande grecia. 

E Konservativni Ny demokrati si kriticni pe le krav kaj si shutine pe grecia ot te saj le o zutipe, aj anda kado kamen von ot o regeringo te vorbijpe aj te lel maj lashie stanoviskura vaj maj lashie vilkor po zutipe katar o EU aj IMF. O finansminister anda Swedo o Anders Borg pennel ke o grekitsko regeringo chi kerla kado.

E Swedoske effektura pe kado so ptsisardas e grecia si indirektni. E Swedos naj sakodi valuta sar la grecia, no ferik te avna le konsekvensura dramaticni ande grecia ke zal o them ando bankrutt, dinnov kado bare effektura pe le themma ando EU aj kade diklov o swedo o negativno effekto ando exporto. 

Kol djesendar rapportulisardas e Svenska Dagbladet ke te dela e grecia ando bankrutt saj kerla kado but love le sweditskone pensioneronge. Ke e tritto AP-fonda kindas grekitska obligacji pe karing le 3 miljardura koroni, kadal obligaci hasardo pesko vartosh vaj värde dramaticnie te pelov e grecia ando bankrutt.

Aj le protestura ande grecia zan maj dor, karing e sparpolitika, jek anda le kaj si kriticni karing kadal besparingar kaj akana keren si o Chaideftos Komninos kaj si o sherutno anda Grekiska riksförbundet ando Swedo.