Nationalno

Startuindja e shkola neve zakonia ando Shvedo

5:48 min

Avdive itano o prvo dive bute chavneg te djan andi shkola, akava bes e shkola ljolpe neve zakonia. Aven neve zakonia ani gimnasie shkole hem neve palnia e sikljovibaske kaj ka dolpe ocene kobor djanen o chavore ane shkole. Nevipe ko nevo sistemi e shkolako si kaj ka dolpe jekh shovengi skala kotar o A dji ko F savo motahovol kaj pandj kotar akala shaj nakhol pe e shkola a numa jekh si savo nashti te nakhol pe e shkola.

Anao akava nevo sitime hem ka dichol hem o ocne o chave save nashen kotar e shkole. Akava kerdjape te avol po diciplina ane shkole thaj o chave te ljen seriozno thaj te na nashen kotar o chasia phenol akava o edukaciako ministari Jan Björklund.

Akalje sistemia e shkole ando Stockholmo kerde buti thaj phenen kaj funkcionisinolo but shukar. Gade vorbisrade anglal ando SR. 

O javer nevipe savo alo ano shkolako sistemi si kaj na ne te ovol maj individulano programi, e chovorenge savo sas angal save na agorindje piri shkola. Akana ka dolpe shansa ando nationelne probe te agorinen ano predmetia sar so si matematika, engleski thaj shvedski. O nevo programi ka kerdjol pandje neve itrodukcia, so kamol te phenol kaj ka avol neve gimnasiake programia.

E sikavnen so ka avol nevo si kaj musja te avoljen e sikavnengi ligitimacia. Gindo si te shaj e chaven andi shkola sikaven e legitirime sikavne phenol akava phnedja e sherutni ando Lärarförbundet Eva-Liis Sirén kan phendja ando SR studio jekh milaje.

Kotar o bersh 2015 e sikavne saven na ne sikavnegi ligitimacia nashti ka den ocene e chavenge. Akava ka kerol but probljemi e shkolenge ane tikne komune kaj si but cera chavore save djan andi shkola phedja akava o Peter Nurdmark e shkolako shefi andi komuna kiruna ano studio jekh ano shvedsko radio.

Maj pashe se 4000 sikavne rodindje e sikvni ligitimacia ane palune duj kurke, thaj akana shaj te keren odova te roden e ligitimacia ando skolverket.

Sar so si pindjardio kana vakera kotar o roma thaj e romane chave save ljenpe e shkola si baro probljemi. Probljemi si so mothovol o raporti savo kerdja e delegacia pe romane puchima kaj but chavore romane na agorinen thaj na djan ande shkole.