Naj musaj te lel pe narkolepsi khatar N1H1

Neve rodimata anda Kina sikavel ke e Svininfluensan vaj e balengi influensa shaj te avel e dosh khaj e narkolepsi so line but manush. Chi trobuj te avel e vaccina kodi so nasvaradas e bute chavoren, rapportulij o Ekot anda Shvedicko radio.

Maj angle ghindijas pe ke e vaccina sas doshali khaj kado kana arakhadjile pe chavora ando Shvedo thaj Finlando kusa narkolepsi.
Numa akanak phenen roditora anda Kina ke e narkolepsi vazdas pe trival maj but ande Kina pala kadi influensa thaj kote nas but manush so line e vaccina.

Te si kade, sikadjiol pe ke o viruso H1N1 - balengo viruso del vi o nasvalipe narkolepsi. Ingemar Persson kerel buci ande Läkemedelsverket phenel ke kadi teoria si interesantno numa naj kasavi ando Shvedo ke feri jekh jekhipe si mashkar kadal chavora ando Shvedo thaj Finlando thaj kodo si e vaccina thaj na o nasvalipe.