But terne chi den andre po gymnasium Foto:Scanpix

But ternimata chi den andre po gymnasium

Opral 12 procenti anda e themeske 16 bershenge studentura tordjion bi thanesko pe gymnasium ando Shvedo. E dosh si ke nas len dosta lashie betyg - stopni.
Za cine sas e stopni thaj kadal studentura trobuj te djan ande introdukciake programura.

Vi te zumaven but skoli te shon zor ande matematika, shvedicko chib thaj anglishitcko chib peren but stopni ande kadal skolake bucia. Kodo kerel ke but anda kadal ternimata chi den andre ande e gymnasium.

E dosh khaj kodo ke von chi den andre po gymnasium si ke chi sicion dosta e ternimata, kodo sikaven internationalne prubi. Pasha kodo musaj e studentura vorta te nakhen ande kadal trin skolake bucia te djan maj dur ande gymnasium.

Khatar kado bersh musaja e ternimata te nakhen ande 5 skolake bucia te birin te djan ande jekh buciako programo thaj 9 skolake bucia te kamen te djan maj dur pe jekh programo so ingrel e studentos maj dur ande e maj uce skoli.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade ljud i menyn under Min lista