Nationalno

Jek bersz pala alosaripe

5:28 min

Jek bersz naklas desar o riksdagsalosaripe sas ando 2010 bersz, aj kado si jek bersz kaj si zurelas intensivno bersz ande politika le swedoske.

Na ferik ke le Sweditskademokratura dinne andre ande sweditsko politika aj ando riksdag, aj iva le kaver parti sikade ke von kadala partia chi kamen te den drom, linne von sajek dosta zor aj birisarde te keren uni bucia pe peski pennel o themutnopoliticno reporterka e Inger Arenander:

Vi te si kade ke le kaver parti sikade ke von chi inkren e politika so e sweditskademokratura inkren, sile sajek varesosko kontakto lenca, ot te birin te nirij vaj e opozicia vaj o alianso jek majoriteta, pennel e Inger Arenander.

No ferik varesoske chache tematura nas inke vaj le regeringosa vaj la opoziciasa.

Pala o alosaripe, kana gata sas ke o regeringo site inkrel o them sar jek minoriteto, pendas o statminister Fredrik Reinfeldt ke vov site arakel dromma te den po agor le problemonca ando riksdagen, aj pendas ke o Miljöpartiet si kodi partia kassa von saj kerdov buci ketanes sar maj feder.

No ferik anda kadi koaperacia chi dichilas kade but. Ando försvars aj avrithemutni politika las o regeringo aj panglas pe le socialnidemokratonca aj o miljöpartiet ande e sweditsko buci so keren ando Afghanistano aj ande Libya. Kodo jek bajo so von kerde ketanes o regeringo aj o miljöpartiet ande themutni politika si pa e migraciaki politika ando them. Aj kado site dikes ke von kerde anda kodo te pandaven tele o drom le sveditskedemokratonge, ande lengo maj baro pushipe, pennel e Inger Arenander.

Vi te si kade ke o regeringo inkrel o them sar jek minoritets regeringo, chi linne von zutipe katar e opozicia kade but, aj sajek dinne lenge proposalura perdal o regeringo possitivno atvetonca, 97 procenti anda le alosarimata kaj sas ando riksdagen gele pe le regeringosko drom, sikavel jek rodipe kaj e Svenska Dagbladet kerdasas kado milaj. Feri 14 alosarimata gele karing le.

Uni anda kadal 14 vestosarde alosarimata dichile, sar kanna o regeringo kamlas te biknel e themeske firmi, aj chi naklas kado lenge. Anda kado pelas maj cerra love ando regeringskansliet sar kaj so gindonas. Aj vi karing o arbetsmarknadspolitika vestosarde von, ke akana si jek maj generozno a-kassa.

Aj inke site vestoj o regeringo ande riksdagen, vi te si kade ke o regeringo chi shutas peski propozicia pa o panshto jobb skatte avdrag anda kodo ke e ekonomicno kriza sas. Aj opruch kado si le regeringos kaver problemura, sar ke o Centerpartiet aj e Kristdemokratura, voston glasura pe e opiniakerodimata, aj te zalla kade zi po kaver alosaripe saj avle lenge musaj te muken peske postura anda riksdagen.

Aj vi le lole zelenen si problemura, desar vestorade o alosaripe kuko bersz shinde von e buci kaj kernas ketane vaj o sammarbete, aj o resultato si ke akana si mindzar sol trine partien neve skerutne.

O miljöpartiet kaj paruvel o språkrör sas planovano, e Mona Sahlin musajas te muklel pesko posta kaj vestosarde o alosaripe, aj ando januari po kaver bersz avla vi nevo sherutno vaj sherutne ande vänster partia.

Attunchi avla inke maj terne le politikura te dikesa pe intrego kaj si ando riksdagen. Sar si adjess si le swedos aj a finlandia le maj terne politikura ande intrego europa. Te dikesa po intrego riksdagen kanna e 28 berszengi Annie Lööf site lel o tan sar sherutni pala Maud Olofsson anda Centerpartiet avla e bersz 41,8. Aj ando swedo dragoj le manuszenge le terne pennel e Inger Arenandet.

Chalol le sweditskone partien le ternimata, aj pachan ke von saj cirden maj pute manuszen karing peste. Te dikesa pe amerika kote kaj so shon o pharipe pe skola aj sode vrama kerdan buci vaj meriter, si e swedos kaver gindo. Von pachan ke le terne saj den vareso so hibazij ande politika. Pennel o Inger Arenander.