Len pencia thaj vi vinster anda firmi

Buth bili komunalni- thaj landstingsråd kaj len visstidspension khatar phenge bili arbetsgivare starolisarde firmi thaj khiden avri vinster anda firma thaj opral pa khado len inke e pencia.

Khado sikavel jekh rodipe so kherde e lokalni stanciji ando Sveriges Radio.

Jekh exemplo pe khado si e Annika Billström kaj si bilo finansborgarråd anda Stockholm.

Voj agorisardas peski buchi ando bersh 2006, akanak lel 54 000 koroni ande jekh shon ande pencia.

Opruch khado inkrel voj jekh firma, ando bokföring sikavel ke lelas 90 000 koroni sako shon thela jekh bersh thaj dopash.

Thaj jekh njeripe pe 355 000 koroni, ale kaj chi ghinadzol o vinst le penciasa maj dur shaj inkrel peski pencia.