Nationalno

Gripen avol palpalal ando Shvedo katar e Lybia

E Shvedosko maripasko ajroplano Gripen irilpe napalal ando them katar e Lybia ando javer kurko. E Shvedoski opracia andi Lybia agorilpe 24 oktobria phenda o sherutno överbefälhavaren Sverker Göransson. Dji ke 16 oktobari o ajroplani e anvesa Gripen sas ande 560 operacie. Vov kerda dji ke 2 198 informacie so kerolpe ando tereni e Natoske. Akava kostindja e Shvedoske regeringo dji ke 336 miljionia krune.