But ternimata chi len lashie stopni

Maj but ternimata agorin 9 klassa chorre stopnienca ke chi birnin te den andre po gymnasium thaj kado diciol maj but ande skoli so si shutine ande chorre thana.
Kodol skoli si Rosengårdsskolan ande Malmö, Hammarskolan ande Göteborg, Fredriksdalsskolan ande Hälsingborg thaj e Hjulstaskolan ando Stockholm.

Sa kadal skoli si ande chorre thana khaj naj e narodos bare love feri kote trajin but manush po socialo thaj si bibuciake.

Sr International sas ande Hjulstaskolan e skola khaj si e maj chorri skola ando stockholm pala e statestika khaj sikadjilas pe ke feri 4 anda 10 studentura agorin e 9 klassa stopnienca so lel len maj dur ando Gymnasium.

Kote po than sas 3 studentura so phenen ke kodi skola si corri. Jekh kaver dosh ande kadal thana si kodo ke but neve immigrantura khidde pe ande kadal thana thaj kodo kerel ke e statestika si maj chorri sar ande kaver skoli. Kodo phenel vi o dujto sherutno po
Hjulstaskolan o Urban Åström.

Thaj sa kadal neve imigrantura intergulin pe ande e shvedicka klassi thaj kado kerel ke si jekh sitjaripe so naj kasavo lashio phenen e studentura maj dur. Numa kado naj intrego chachipe ke anda e neve immigrantura djal chorres e studentonge, si vi kaver dosha khaj kodo thaj. Jekh si ke e studentura chi pacan korkori ande phende thaj kodo diciol vi ande kaver skoli ando shvedo.

Thaj kado vazdel reaktci vi mashkar e politicara ando Stockholm. Jan Valeslkog si dujto sherutno ande Stockholms utbildningsnämnd thaj anda e socialdemokraticno partia vof phenel ke trobuj maj but resursura thaj maj but love te djal e buci maj feder ande kadal segergovane skoli.

E Johanna Sjö so si anda Moderaterna thaj so vi beshel ande utbildningsnämnden phenel ke o foro Stockholm aba vazdas opre e resursura ande kommuna thaj das vast po but bucia sar pe maj uci kompetencia e sikavnenge, maj but coaching e sikavnenge thaj vi kodo ke del pe maj but vrama pe probi e studentonge. Numa vi kodo phenel e Johanna Sjö ke kado chi naj dosta numa e problematika chi hasajvela tele jekh raci.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade ljud i menyn under Min lista