Swedbank si jekh anda firmi so njerisardas love

Ekonomiki krisa pashol ando Shvedo

Adjes avile kvartaloske ekonomicne rapportura pa e trin maj bare shvedicka firmi.
E vurdonengi firma Volvo sikadjas jekh njeripe kusa 5,4 miljardura koroni, e vesheski koncerna SCA kerdas jekh njeripe kusa 2,1 miljardura thaj o bankosko koncerno Swedbank kerdjas jekh njeripe po 4,3 miljardura koroni.

E firmi keren inke bare njerimata pe penge biznessura numa akanak aven vii kaver rapportura ke e ekonomicno dar so djal pe europaki ekonomia aresela vi ando Shvedo.

Sar exemplo phendas e tirengi thaj bussongi firma Scania ke von si te cinjaren pengi produkcia kusa 10-15 procenti thaj kado diciola ande e buci khaj 900 djene so keren buci ande kodi firma.

Varkstatongo koncerno SKF thaj vesheski industriaki firma Stora Enso si kaver firmi so si te malaven tele e produkcia maj cerra thaj akanak phenel vi o banko Nordea ke von si te mukhen avri 2000 buciaren anda penfi firma.

Vi kaver firmi phenen ande penge firmenge rapportura ke e chi djanel pe sar avla maj angle vramasa.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".