Nuklarno fabrika ande Oskarshamn. Foto: Mikael Fritzon/Scanpix.

"Maj but djanglipe pe nuklarne thana"

E shvedicka nuklarne fabriki ando shvedo chi birina te inkren pe stabilne te avla jekh puvjiako izdrajipe, sikavel jekh stress testa so sas kerdi khatar strålsäkerhetsmyndigheten, phenel Jan Hanberg soinkrel kadal testura. Numa e shvedicka nuklarne fabriki inkren lashi protekcia karring härdsmälta. 

Härdsmälda si jekh nuclarno accidento so kerdjiol pe ande nuklarne fabriki kana e nuklarne thana tatsion kade zurales andral ke e nuklarne partiklura len te biljon thaj atunci kerdjion pe bare nuklarne katastrofi sar ande Fukushima so sas maj anglal. 

Vi te si kade ke si jekh lashi protekcia pe kado ando shvedo naj dosta djanglipe sar te malavel pe kado tele te kerdjiol pe kado pe maj but thana ande sa kodi fabrika. Thaj pala e experienci so kerde pe ande Fukushima trobuj te djanel pe sar te kerel pe kana maj but thana len te padjion, phenel o Jan Hanberg maj dur.

Kadal si e anglune reflektci so si kerde khatar e Strålsäkerhetsmyndigheten so musaj te keren jekh stressovano testo. Pala e fukushima-katastrofa musaj sa EU-thema te keren kasave stressovane testura pe e nuklarne fabriki thaj pala kado birij pe te dikhel pe e dosha so si pe nuklarne fabriki thaj ando shvedo diciol pe save lasharimata trobuj pe te kerel pe te avel e situatcia maj feder.

Kana kadal testura si gata bishavel e Strålsäkerhetsmyndigheten kadal resultatura khaj o EU thaj khaj o regeriungo thaj atunci dikhel pe perdal e intrego gata buci.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".